| කබ්රාල් එන්න! මල් පී පී දැයි, බලන්න!! |
 |
 |
 |
| Tuesday, 20 July 2010 00:06 | |
|
මහ බැංකු හිටපු නියෝජ්ය අධිපති ඩබ්ලිව්.ඒ.ඩබ්ලිව් විජේවර්ධනයන්ගේ ආර්ථීක බැලුම් ගලින් මෙදා මහ බැංකු හිටපු සහකාර අධිපතිවරයෙකු වන ආචාර්ය එච්.එන් තේනුවරගේ Money, Inflation and Output පොත ගැන විචාරයි.
ශ්රී ලංකාවේ හිටපු මහ බැංකු වෘත්තීයවේදීන් තම අත්දැකීම් පදනම් කර පොත් ප්රකාශයට පත් කරන්නේ ඉතාම කලාතුරකිනි.ආර්ථීක අර්බුද සමයන්හිදී, ආර්ථීකය කළමනාකරණයට ගොස්, තමන් අත්විඳි අප්රසන්න අත්දැකීම් නැවත සිහිකිරීමට ඇති බිය ඔවුන් මෙසේ පොත් ප්රකාශයට පත් නොකිරීමට සමහර විටෙක හේතු වන්නට ඇත.
නමුත්, මෙම ස්ව්යං වාරණ, තහංචි බැමි බිඳ දමමින් මහ බැංකුවේ හිටපු සමහර වෘත්තීයවේදීන් රටේ ආර්ථීක හෘද සාක්ෂියට හෙණගෙඩි පාත් කරවනවා මෙන් පොත් ප්රකාශයට පත් කරන අයුරුද අප දැක තිබේ. මුදල්,උද්ධමනය හා නිමැවුම (Money, Inflation and Output) මැයෙන් මහ බැංකු හිටපු සහකාර අධිපතිවරයෙකු වන ආචාර්ය එච්.එන් තේනුවර විසින් නොබෝදා ප්රකාශයට පත්කළ පොතද එවැනිම අකාරයේ ආන්දෝලාත්මක පොතක් ලෙස අවිවාදයෙන් හඳුන්වා දිය හැකිය.
කොළඹ පිහිටි,ගෝලීය ප්රතිපත්ති පර්යේෂණ ආයතනයේ ප්රකාශයක් වන රුපියල් 1500 ක් වටිනා මෙම පොත එළි දැක්වීම පසුගිය ජුලි 14 දා සිදුවිය. පිංතුරයේ දැක්වෙනුයේ මෙම කතුවරයා ආචාර්ය එච්.එන් තේනුවරය.
කොපර්නිකස් නීරීක්ෂණය කළු පාට පසුබිමක රිදී අකුරින් සාමාන්ය කියවන්නෙකුගේද ඇස ගැටෙන පරිදි විශාල අකුරු ප්රමාණයකින් මෙම පොතේ මුල් පිට කවරයේ ක්රිස්තු වර්ෂ 1529 දී නිකලර්ස් කොපනිකර්ස්ගේ GOOD MONEY and BAD MONEY(හොඳ මුදල් හා නරක මුදල්) යන වදන මුද්රණය කර තිබේ. මෙම පොත ලිවීමෙන් ආචාර්ය තේනුවර ලබාදීමට බලාපොරොත්තු වන පණිවිඩය වඩා හොඳින්ම පාඨක සිත් සතන් තුළට කා වැද්දීමට මෙම උධෘතය හැර වෙනත් උධෘත පාඨයක් නොමැති තරම්ය.
කොපනිකර්ස් ගේ මෙම උධෘතය සම්පූර්ණයෙන්ම මෙසේ ගෙන හැර දැක්විය හැකිය. “මගේ නිරීක්ෂණයට අනුව,හොඳ මුදල් ඇති රටවල සෑම දෙනාගේම, සෑම තැනකම, අතමිට සරුවෙලා කලාව හා ව්යාපාර ඉහළින්ම වැජඹෙනවා.නමුත් නරක මුදල් සංසරණය වන රටවල පැතිර යන්නේ උදාසීනත්වයයි.ආර්ථීක ඉච්ඡාභංගත්වය විතරයි.”
කොපනිකර්ස් ගේ මෙම උධෘතයේ සඳහන් නීරික්ෂණයේ ඇති වැදගත්කම වන්නේ, එය ආර්ථීක විද්යාව කියන විෂය හෝ මූල්යය පිළිබඳ න්යායන් බිහි නොවූ කාලයක, එනම්, ඇඩම් ස්මිත්ගේ ජාතීන්ගේ ධනය පොත බිහිවීමට වසර 250 කටත් පෙර සිදුකළ එකක් වීමයි.මෙම නිරීක්ෂණයට පරම සත්යයක් සේ සෑම කල්හිම වලංගු බවක් ලැබීම මෙහි ඇති අනික් සුවිශේෂීත්වයයි.
මොකක්ද? මේ හොඳ මුදල් එසේත් නැතිනම් එහි විරුද්ධ දේ වන නරක මුදල් කියලා කියන්නේ?
හොඳ මුදල් ආර්ථීක සෞභාග්ය සඳහා වන අතරේ නරක මුදල් එහි විරුද්ධාර්ථය සඳහා වෙයි. හුවමාරු මාධ්යයක් ලෙස මුදලට තනිවම ආර්ථික සෞභාග්ය ළඟාකර දිය හැකි නොවූවද ආර්ථීක ප්රතිපත්ති පැකේජයක් සමඟ වූ සබඳතා සමග එන හොඳ මුදල්, ධනය මැවීමේ ශඛ්යතාවයෙන් නිරතුරුවම පොහොසත් වී සිටිති. මෙහි ප්රතිවිරුද්ධ අර්ථයෙන් නරන මුදල් ස්වකීය නරක ආර්ථීක ප්රතිපත්තිමය සබඳතා මත ධනය මැවීමේ ශඛ්යතාවයන් පමා කරයි. මෙම කොපර්නිකස් න්යාය සිංගප්පූරුවේ ප්රථම මුදල් ඇමති වූ ආචාර්ය ගෝ කෙන් ස්වී (Goh Keng Swee )විසින් එරට මුදල් මණ්ඩලයේ ස්වර්ණ ජයන්ති රිදී ජුබිලිය නිමිත්තෙන් ලිපියක් ලියමින් තවදුරටත් වර්ධනය කර තිබේ.ඔහු එමගින් අවධාරණය කර ඇත්තේ යටත් විජිත දායාදයක් ලෙස ලැබුණද මුදල් මණ්ඩල සංකල්පය තවදුරටත් නෂ්ටාවශේෂයක් ලෙස සලකා එය අත් නෑර ඉදිරියටත් පවත්වා ගෙනයාම යුක්ති සහගත බවයි.
ඔහුගේ ඇයි? මුදල් මණ්ඩලයක් කුමකටද? යන එම ලිපියෙන් හෙතෙම තවදුරටත් මෙසේ තර්ක කර තිබේ.
“ ලෝක ආර්ථිකයට කුඩා සිංගප්පූරු ආර්ථීකය ක්රමයෙන් විවෘත කරන විට, මගේ කැබිනට් සගයන් ඉතා සැලකිල්ලෙන් කටයුතු කරනු ලැබුවා. කේන්සියානු ආර්ථීක ප්රතිපත්ති සිංගප්පූරු ආර්ථීක සමෘද්ධියේ මාර්ගෝපදේශයක් ලෙස කටයුතු කළ හැකි වේ යැයි කිසිවෙකු විශ්වාස කළේ නැහැ.අපේ ආර්ථිකය එදත් අදත් කුඩයි, ඒ වගේම විවෘතයි.මහ බැංකු ණය තුළින් අයවැය හිඟය පියවීම විනාශයට අත වැනීමක් ලෙසයි අප සලකන්නේ.”
“හොඳ ජිවන පැවැත්මක් ළගාකර ගත හැක්කේ මහන්සි වී වැඩ කිරීමෙනුයි.මෙම මහන්සි වී වැඩ කිරීමේ සංකල්පය පළමුව පාසැලෙන් ආරම්භ කර විශ්ව විද්යාල, බහු තාක්ෂණික ආයතන ඔස්සේ තමන් රාජකාරි සිදු කරන ස්ථානය දක්වා රැගෙන යාමට සෑම දෙනාම වග බලා ගත යුතුයි. දැනුම, කුසලතා හා උනනන්දුව මගින් ධනය උපද්දවා දෙනාව මිස මහ බැංකු ණය මගින් මෙය සිදුකළ නොහැකියි.”
ඒ නිසා, හොඳ මුදල් මගින් නිබදවම ධන උත්පාදනයේ හා සෞභාග්යයේ ත්රීමූර්තිය වන උද්යෝගය,දැනුම හා කුසලතා වර්ධනයට ධෛර්යය දෙනු ලබන අතරම නරක මුදල් මගින් ජනිත කරනුයේ කොපර්නිකර්ස්ගේ න්යාය අනුව යමින් උදාසීනත්වය හා ආර්ථික බංකොලොත් බව පමණයි.
මේ අනුව, පුළුල් අර්ථයෙන් කැපවීමට මහන්සි වී වැඩ කිරීමට ධෛර්යය දෙන කවර හෝ ආර්ථීකයක් හොඳ ආර්ථිකයක් වන්නා සේම ප්රතිවිරුද්ධ අර්ථ ගනිමින් එයට අකුල් හෙලන ආර්ථික ප්රතිපත්තියක් නරක මුදල් මගින් ජනිත කරයි.
ආචාර්ය තේනුවර මෙම කෘතිය මගින් අතීතයේ මේ හොඳ හා නරක මුදල් හා සැබැඳිව ලියවුණු ,පළ කෙරුණු සියලු කරුණු කාරණා හා උදාහරණ එක් තැනකට සංකලනය කර ඒවා වර්තමානයට ගැලපෙන පරිද්දෙන් දෝෂහරණය කර තහවුරු කරමින් ඉදිරිපත් කිරීමට උත්සාහ දරා ඇත.
අතීතාවර්ජනය
කොපර්නිකස් න්යායයෙන් සියවස් එක හමාරකට පසුව එනම්, 1680 දී ,පමණ එම්.ලී ජෙන්ඩිරා ප්රමුඛ ව්යාපාරිකයන් පිරිසක් මුණ ගැසුණ එවකට ප්රංශයේ මුදල් ඇමතිව සිටි ජීන් බැප්ටිස්ට් කොල්බර්ට් පුද්ගලික අංශයේ ව්යාවසායකයින් ලෙසට ඔබලාට රජයෙන් කුමක් අවශ්ය දැයි ඔවුනගෙන් විමසා සිටියේය.එයට එක්වරම ජෙන්ඩිරා දුන් පිළිතුර වූයේ අපට අපේ පාඩුවේ ඉන්න ඉඩ දෙන්න යන්නයි.( Leave us alone) එයිනුත් සියවසකට පමණ පසු ආර්ථීකයට රජය මැදිහත් නොවිය යුතුය (laissez faire) යන සංකල්පය මුල් බැස ගැනීම කෙරෙහි මෙම පිළිතුර ඉවහල් විය.
ව්යාපාරික ජෙන්ඩා මෙයින් මුදල් අමාත්යවරයාගෙන් ඉල්ලා සිටියේ අපට හොඳ මුදල් මිස නරක මුදල් නොදෙන්න යන්නයි.
කොපර්නිකස්ගේ මෙම සොයා ගැනීමෙන් වසර 500 කට පසුව එනම් වසර 2004 දී, ආචාර්ය සරත් අමුණුගම අමාත්යවරයා පාඩු ලබන රාජ්ය ව්යවසායකයන් 04 ක් ගැන දැඩි විවේචනයක යෙදෙමින් ඒවා දවසේ රාක්ෂයින් යැයි පවසා තිබිණි.මෙම උගත් අමාත්යවරයා කොපර්නිකස් න්යාය අනුව යමින් මේ පවසා ඇත්තේ මෙම සහජයෙන්ම නිද්රෝපගත ,අකාර්යක්ෂම රාජ්ය ආයතන මගින් නරක මුදල් උත්පාදනය කරන බවයි.
රටේ අවසානවකට මෙම රාක්ෂයන් මෙල්ල කිරීමට හැකි කාලයක් අමුණුගම අමාත්යවරයාට තම තනතුරේ රැඳී සිටීමට නොහැකි විය. පසුගිය 2009 මහ බැංකු වාර්තාව මගින් වැඩිදුරටත් අවධාරණය කර ඇත්තේ මෙම පාඩු ලබන රාක්ෂයන් කාලයක් තිස්සේ තවදුරටත් වැඩි වර්ධනය වෙමින් තිබෙන බවත්, රාජ්ය අංශයට තවත් මේ අකාරයේ සමාගම් පවරණු ලැබුවහොත් තවත් නරක මුදල් උත්පාදනය කරන ආර්ථීක රාක්ෂයින් තිදෙනෙකුවත් රට තුළ ජනිත වන බවත්ය. තැපැල් දෙපාර්තමේන්තුව, මිහින් ලංකා හා සැබෑ ශ්රී ලාංකිකයින් වෙත 2007 දී පැවරුණු ශ්රී ලංකන් එයාර් මෙම නව ආර්ථීක රකුසන් බවට මේ අකාරයෙන් පත් වී ඇත.මෙම ආර්ථීක රකුසන් සත් දෙනා එක්ව රටේ දළ ජාතික නිෂ්පාදිතයෙන් සියයට 01 කට සමාන මුදලක් කබාසිනියා කරමින් එනම් රුපියල් බිලියන 50 ක මෙහෙයුම් අලාභයක් ජනිත කරමින් නරක මුදල් රට තුළ ව්යාප්ත කිරීමට ගතවූ කාලයේ රැකුල් දී තිබේ.
නරක මුදල් උත්පාදනය සඳහා වන මෙම කැමැත්ත මෙතකින් නතර වන අයුරක් නොපෙනේ.ෂෙල් හා ශ්රී ලංකන් එයාර් නැවත රජයට ගැනීමට දරන ප්රයත්නයන්ගෙන් මේ බව තහවුරු කර ඇත. මෙහි නව හිමිකරුවන් ඒවායේ පවත්නා අකාර්යක්ෂමතාවය,උදාසීනත්වය තුරන් කර හොඳ මුදල් උත්පාදනය කරන ආයතන බවට ඒවා පත් කිරීමට නොහැකිවන්නේ නම් කොපර්නිකස් තමන්ගේ මීනි වලේ සිට මේවා දැක සිනාසීම වලක්වන්නට කිසි ජගතෙකුටවත් නොහැකි වනු ඇත.
තේනුවර නිබන්ධනය
ආචාර්ය තේනුවර මෙම පොත මගින් ඉතා පැහැදිලිව හා තදින්ම අවධාරණය කිරීමට උත්සාහ ගන්නේ මුදල් හඳුන්වා දීමෙන් පසුව ජාතියක සුභ සාධනය ඉහළ ගියද නිරන්තරයෙන්ම එහි සිදුවන වර්ධනයකින් ඇති වන්නේ එහි විරුද්ධාර්ථය බවයි.මුදල් මැවීමේ කරතව්යය සඳහා නිසි මූල්ය විනයක් ඇතිකළ හැකි වගකිව යුතු මූල්යාධිකාරියක් නැතිනම් මහ බැංකුවක් මෙම අනර්ථකාරීත්වයන් මඟ හැරීම සඳහා ස්ථාපිත කළ යුතු බව හෙතමෙ අවධාරණය කරයි.
ආචාර්ය තේනුවර මෙම පොත මගින් වැඩිදුරටත් තර්ක කරන්නේ මහ බැංකු කරුවන් රාජකාරි නියෝග ලබන බල අධිකාරියේ වැරදි උපකල්පනයන් මගින් මෙහෙයවීම් ලබන බවයි.වාණිජ බැංකු තමන් සතු තැන්පතු මෙන් කිහිප ගුණයකින් ණය ලබාදීම මගින් මුදල් මැවිය හැකි මෙන්ම රජයන්ටත් තමන්ගේ අයවැය හිඟය මූල්යකරණය කරනු ලබන විදෙස් ණය ,වාණිජ හා මහ බැංකු ණය මගින් මෙම මුදල් මැවීමේ කරතව්යයට දායකත්වය ලබාදිය හැකිය.රටක ජනතාව අත ගැවෙසෙන මුදල් ප්රමාණයට වඩා මෙසේ මවා දෙන මුදල් ප්රමාණය වැඩි වූ කළ එම අතිරික්තය වෙළෙඳ පොළේ හිඟ සැපයුමක් ඇති භාණ්ඩ හා සේවා පසු පස හඹායාම නිසා භාණ්ඩ හා සේවා වල මිල ඉහළ යාම් සිදුවේ.මෙම මිල මටිටමේ ඉහළ යාම් වේගවත්ව, අඛණ්ඩව සිදුවන කළ මිල උද්ධමනය ඇති වී එමගින් ජනතාව වෙත පීඩනයක් ගෙන දේ.
ආචාර්ය තේනුවර, අනිකුත් රටවල දත්තයන් හා සංසන්දනය කරමින් ඔප්පු කිරීමට උත්සාහ දරන්නේ අඛණ්ඩ ආර්ථීක වෘද්ධියකට ඉවහල් වන අඩු උද්ධමනකාරී හා හොඳ මුදල් ඇති ආර්ථීකයික් සෑම විටම ශක්තිමත් ආයතනගත ව්යුහයක් හා යහ පාලනයක් මගින් ජනිත කළ හැකි බවයි.
සිංගප්පූරුව, තෙවන ලොව දුප්පත් ආර්ථීකයක සිට සංවර්ධිත ආර්ථිකයක් කරා පා එසවූ දැවැන්ත ආර්ථීක පරිවර්තනයක් සිදු වූ 1950-2005 කාලයේ මෙම නරක මුදල් උත්පාදනය යම් ස්ථාවර මට්ටමක තිබුණි.මෙම කාලයේ ශ්රී ලංකාවේ සංචිත මුදල් මැවීම 1950 පදනම් වර්ෂයේ වූ 100 අගයේ සිට 2005 වසර වනවිට 22,000 දක්වා (පිටුව 135) දැවැන්තව ඉහළ නැග ඇත.මෙම කාලයේ ලංකාවේ ඒක පුද්ගල දළ ජාතික නිෂ්පාදිතය කොපමණද? මේ සඳහා ආචාර්ය තේනුවරයන් කාල ශ්රේණියක් ගෙන හැර නොදැක් වුවද අවශ්ය අයෙකුට එය මහ බැංකු ප්රකාශන පරිශීලනය කිරීමෙන් ඉතා පහසුවෙන්ම සොයා ගත හැකිය. නිදහස් ලද 1948 වසරේ මෙම ඒක පුද්ගල දළ ජාතික නිෂ්පාදිතය ඩොලර් 120 ක් වූ අතර 2005 වනවිට එය ඩොලර් 1197 දක්වා ඉහළ නැග ඇත.
මේ අනුව,තේනුවර තම නිබන්ධනය මගින් එක් දෙයක් ඉතා පැහැදිලිව පසක් කර ඇත. එනම්,නිදහසින් පසු සමයේ ශ්රී ලංකාවේ අනුගමනය කළ නරක මූල්ය ප්රතිපත්ති, මේ රට සංවර්ධිත ලෝකයේ පමණක් නොව අසල්වැසි දුප්පත් රාජ්යයන්ටත් වඩා බෙහෙවින් පසුගාමී අන්ත අසරණ අඩියකට ඇද දමා ඇති බවයි.
එසේ නම් දැන් කුමක් කළ යුතුව ඇත්ද?
ආචාර්ය තේනුවරට අනුව මේ පත්ව ඇති ආර්ථීක ආගාධයෙන් ගොඩ ඒමේ මග ස්වාධීන මහ බැංකුවක්, ශක්තිමත් ආයතනිගත ව්යුහයක් හා ක්රමවත් යහ පාලන ක්රම වේදයක් රට තුළ ස්ථාපිත කිරීමයි. ධන උත්පාදනය හා සෞභාග්යය ඇති කිරීම සඳහා මෙවැනි ආයතනික ගත ව්යුහයක් අත්යවශයය. වගවීමකින් හා විනිවිදභාවයකින් තොර මහ බැංකුවක් සැමවිටම දැමුණු මහ බැංකුවකට වඩා වැඩි උපද්රවයක් සිදු කරනු ලබනු බවටද ආචාර්ය තේනුවර අනතුරු හඟවයි.මෙවැනි තත්ත්වක් සදාචාර උවදුරක් බවට පත් වෙමින් අර්බුදයන් පැටව් ගසමින් වැඩි වර්ධනය කරනු ලබන බවටද හෙතෙම කියා පානුයේ වසංගත තත්ත්වයක් අඩු ස්වාධීනත්වකට වඩා දරුණු බව පවසමිනි.
ඒ කෙසේවෙතත්, ව්යවස්ථාපිතව ඇති කරන ලද ස්වාධීන මහ බැංකුවකටත් වඩා මුදල් සංගමයක සාමාජිකයෙකු වීමෙන් ලැබිය හැකි විනය බලධරයන් රටේ ආර්ථිකය සම්බන්ධයෙන් වැඩි බැඳීමකට ලක් කරන බව ආචාර්ය තේනුවරගේ අදහසයි. මෙහි යථාර්ථය වටහා ගැනීමට ඇති මෑත කාලීන හොඳම උදාහරණ ලෙස ග්රීසියේ,පෘතුගාලයේ,හා ස්පඤ්ඤයේ සැගවුණු නරක මුදල් ප්රතිපත්ති බිඳ හෙලීම සඳහා යුරෝපා සංගමය මැදිහත් වූ ආකාරය ගෙන හැර දැක්විය හැකිය.
නමුත් ප්රශ්න වන්නේ මෙය ශ්රී ලංකාවට කොතරම් ප්රායෝගිකව අදාල කළ හැකිද? යන්නයි. මේ අනුව, යමින් ශ්රී ලංකාව දකුණු ආසියානු මූල්ය සංගමයකට බැඳිය යුතුද? යම් හෙයකින් ,එසේ වුවත් එය වඩාත් අනර්ථකාරී විය හැක්කේ කළාපයේ අනිකුත් රටවල් ශ්රී ලංකාවටත් වඩා අන්ත ලෙස නරක මුදල් උත්පාදනය සිදුකරන රටවල් වීමයි.
“මුදල්,උද්ධමනය හා නිමැවුම”: සෑම දෙනාම කියවිය යුතුය. ආචාර්ය තේනුවර ඉහළ පෙලේ ගණිතඥයෙකු හා ආර්ථික මිනිතඥයෙකු වුවද කිසිදු ගණිත සමීකරණයක් හෝ ආකෘතියක් මෙම පොත මගින් ගෙන හැර නොදැක්වීමට වග බලා ගෙන තිබේ.මෙහි භාෂාව සරලය.රටවල් අතරේ සංසන්දනාත්මක දත්ත මගින් පොතේ අගය වඩාත් ඉහළ නංවා තිබේ.උසස් මනස් සැමවිටම අඩු දියුණු මනස් ඇති අයවෙත වචනයෙන්ම ප්රතිචාර දැක්විය යුතුබව ඔහු ඔප්පු කර ඇත.
මෙම පොත ලිවීමෙන් ආචාර්ය තේනුවරයන් අපේක්ෂා කළේ කුමක්ද? මෙය ඔහුගේ පැරණි මහ බැංකු වෘත්තිය සගයන් ඉලක්ක කර ලියවූවක්ද? නැත.මෙම පොත රට හා එළි දක්වන කාලය සම්බන්ධයෙන් ගත්කළ අපක්ෂපාතීත්වයක් දරයි. මෙම පොත තුළින් ඔහු කිසිදු ආර්ථීක ගුරු කුලයකට විවෘතව ගැති නොවී ඔහුගේ මතවාදය තහවුරු කළ හැකි තතු විස්තර පමණක් ගෙන හැර දැක්වීමට හැකි සෑම විටකම උත්සාහ ගෙන ඇත. හොඳ මුදල් තුළින් ආර්ථීක සෞභාග්යයත් නරක මුදල් තුලින් ආර්ථීකයේ අපේක්ෂා භංගත්වයත් පැතිරෙන බවට වන කොපර්නිකස්ගේ විඥානය තහවුරු කිරිමට ආචාර්ය තේනුවරයන් මෙම පොතින් උපරිමයෙන් කටයුතු කර ඇතිබව මාගේ හැඟීමයි.
මේ නිසා, මෙම පොත සෑම දෙනකුම කියවිය යුතු බවට නීර්දේශ කරමි.
පරිවර්තනය හා සිරස්තලය ඉෂාර ගමගේ විසිනි. |
Comments
1) No Title
Author: bandula
great letter......sir...
Add new Comment